ᱞᱤᱴᱟᱹ ᱜᱳᱰᱮᱛ ᱫᱚ ᱪᱮᱫ ᱞᱮᱠᱟᱱ ᱯᱩᱛᱷᱤ ᱠᱟᱱᱟ

 ᱞᱤᱴᱟᱹ ᱜᱳᱰᱮᱛ ᱫᱚ ᱪᱮᱫ ᱞᱮᱠᱟᱱ ᱯᱩᱛᱷᱤ ᱠᱟᱱᱟ ??? ᱟᱢᱟᱜ ᱵᱟᱰᱟᱭ ᱞᱮᱠᱟᱛᱮ  ᱚᱞ ᱥᱚᱫᱚᱨ ᱢᱮ 

ᱞᱤᱴᱟᱹ ᱜᱳᱰᱮᱛ ᱫᱚ ᱢᱤᱫ ᱴᱟᱝ ᱨᱚᱲ ᱜᱟᱞᱟᱝ ᱯᱩᱛᱷᱤ ᱠᱟᱱᱟ, ᱱᱚᱣᱟ ᱯᱚᱛᱚᱵ ᱫᱚ ᱚᱞ ᱟᱠᱟᱰᱟᱭ ᱥᱟᱹᱫᱷᱩᱨᱟᱢ ᱪᱟᱸᱫ ᱢᱩᱨᱢᱩ , ᱱᱚᱣᱟ ᱯᱚᱛᱚᱵ ᱫᱚ ᱤᱝᱨᱮᱡᱤ 1940 ᱥᱟᱞ ᱟᱨ ᱵᱟᱝᱞᱟ 1342 ᱥᱟᱞ ᱨᱮᱭᱟᱜ 12 ᱟᱥᱟᱲ ᱨᱮ , ᱱᱚᱣᱟ ᱯᱩᱛᱷᱤ ᱫᱚ ᱚᱞ ᱢᱩᱪᱟᱹᱫ ᱞᱮᱫᱟ ᱟᱨ ᱯᱩᱛᱷᱤ ᱞᱮᱠᱟᱛᱮ ᱩᱪᱟᱹᱱ ᱞᱮᱱᱟ 15 ᱟᱜᱚᱥᱴ 1979 ᱥᱟᱞ ᱨᱮ 

ᱱᱚᱣᱟ ᱯᱚᱛᱚᱵ ᱨᱮᱭᱟᱜ ᱜᱩᱱ ᱠᱟᱛᱷᱟ ᱞᱮᱠᱟ ᱛᱮ ᱞᱟᱹᱭ  ᱞᱮᱠᱷᱟᱱ ᱞᱟᱹᱭ ᱜᱟᱱᱚᱜ ᱟ ᱡᱮ ᱡᱚᱢ ᱥᱤᱢ ᱵᱤᱱᱛᱤ ᱨᱮᱭᱟᱜ ᱥᱟᱱᱟᱢ ᱞᱮᱠᱟᱱ ᱠᱟᱛᱷᱟ ᱥᱮ ᱢᱟᱹᱱᱢᱤ ᱥᱤᱨᱡᱚᱱ ᱫᱷᱟᱹᱨᱛᱤ ᱠᱷᱚᱱ  ᱮᱛᱦᱚᱵ ᱠᱟᱛᱮᱫ  ᱨᱚᱲ ᱛᱟᱞᱟ ᱛᱮ ᱮᱛᱦᱚᱵ ᱠᱷᱚᱱ ᱢᱩᱪᱟᱹᱫ ᱦᱟᱹᱵᱤᱡ ᱟᱹᱰᱤ ᱜᱟᱹᱦᱤᱨ ᱢᱟᱪᱷᱟ ᱛᱮ ᱚᱞ ᱟᱠᱟᱫᱟ, ᱥᱮ ᱱᱚᱣᱟ ᱯᱚᱛᱚᱵ ᱨᱮ ᱟᱹᱰᱤ ᱫᱟᱢᱟᱱ ᱠᱟᱛᱷᱟ ᱠᱚ ᱚᱞ ᱢᱮᱱᱟᱜ ᱟᱠᱟᱫᱟ, ᱡᱮᱞᱮᱠᱟ ᱫᱷᱟᱹᱨᱛ ᱫᱷᱟᱥᱟᱣ ᱮᱱ ᱛᱟᱭᱚᱢ ᱞᱤᱴᱟᱹ ᱟᱜ ᱫᱤᱥ ᱦᱩᱫᱤᱥ ᱛᱮ ᱫᱷᱟᱹᱨᱛᱤ ᱥᱤᱨᱡᱚᱱ ᱢᱟᱹᱱᱢᱤ ᱥᱤᱨᱡᱚᱱ ᱨᱮᱭᱟᱜ ᱠᱟᱛᱷᱟ , ᱡᱟᱸᱦᱮᱨ ᱵᱩᱰᱤ ᱟᱜ ᱮᱜᱮᱨ ᱛᱮ ᱞᱤᱴᱟᱹ ᱟ ᱩᱥᱟᱹᱫ ᱼ ᱞᱤᱴᱟᱹ ᱯᱟᱧᱡᱟ ᱧᱟᱢ ᱨᱮ ᱡᱟᱸᱦᱮᱨ ᱵᱩᱰᱤ ᱟᱜ ᱮᱱᱮᱢ ᱠᱟᱛᱷᱟ ,ᱫᱷᱟᱹᱨᱛᱤ ᱵᱮᱱᱟᱣ ᱨᱮ ᱪᱟᱸᱫᱳ ᱟᱜ ᱢᱩᱦᱤᱢ ᱩᱫᱩᱜ ᱠᱟᱛᱷᱟ , ᱡᱚᱞᱟ ᱯᱩᱨᱤ ᱨᱮᱱ ᱟᱭᱢᱟ ᱨᱟᱡᱽ ᱠᱚ ᱛᱟᱞᱟᱨᱮ ᱞᱮᱰᱮᱫ ᱨᱟᱡᱽ ,ᱦᱚᱨ ᱨᱟᱡᱽ ᱡᱩᱢᱤᱫ ᱫᱟᱬᱮ ᱛᱮ, ᱫᱷᱟᱹᱨᱛᱤ ᱥᱤᱨᱡᱚᱱ ᱨᱮᱭᱟᱜ ᱠᱟᱛᱷᱟ , ᱞᱤᱴᱟᱹ ᱟᱜ ᱚᱝ ᱫᱟᱬᱮ ᱛᱮ ᱦᱟᱸᱥ ᱦᱟᱹᱥᱤᱞᱤ ᱪᱮᱬᱮ ᱡᱤᱣᱤ ᱧᱟᱢ ᱨᱮᱭᱟᱜ ᱠᱟᱛᱷᱟ , ᱩᱱᱠᱤᱱ ᱪᱮᱬᱮ ᱠᱷᱚᱱ ᱢᱟᱹᱱᱢᱤ ᱦᱚᱯᱚᱱ ᱯᱤᱞᱪᱩ ᱦᱟᱲᱟᱢ ᱯᱤᱞᱪᱩ ᱵᱩᱰᱤ ᱡᱟᱱᱟᱢ ᱨᱮᱭᱟᱜ ᱠᱟᱛᱷᱟ , ᱥᱟᱜᱟᱫ ᱪᱟᱣᱞᱮ ᱦᱟᱺᱰᱤ ᱫᱚᱦᱚ ᱨᱮᱭᱟᱜ ᱠᱟᱛᱷᱟ, ᱦᱤᱦᱤᱲᱤ ᱯᱤᱯᱤᱲᱤ ᱠᱷᱚᱡ ᱠᱷᱟᱢᱟᱱ ᱥᱟᱥᱟᱝ ᱵᱮᱲᱟ, ᱡᱟᱹᱨᱯᱤ ᱫᱤᱥᱚᱢ ᱨᱮᱭᱟᱜ ᱠᱟᱛᱷᱟ, ᱢᱟᱹᱱᱢᱤ ᱠᱚ ᱢᱩᱫ ᱨᱮ ᱯᱟᱹᱨᱤᱥ ᱦᱟᱹᱴᱤᱧ ᱨᱮᱭᱟᱜ ᱠᱟᱛᱷᱟ , ᱯᱮᱴᱮᱨ ᱵᱟᱲᱮ ,ᱞᱟᱵᱟᱲ ᱟᱛᱱᱟᱜ ,ᱠᱷᱚᱫᱮ ᱢᱟᱛᱠᱚᱢ ᱞᱮᱯᱮᱡᱽ ᱛᱮᱨᱮᱞ ᱵᱩᱴᱟᱹ ᱨᱮᱭᱟᱜ ᱠᱟᱛᱷᱟ , ᱢᱩᱪᱟᱹᱫ ᱨᱮ ᱥᱟᱹᱨᱤ ᱥᱟᱨᱡᱚᱢ ᱫᱟᱨᱮ ᱵᱩᱴᱟᱹ ᱨᱮ ᱡᱟᱸᱦᱮᱨ ᱛᱷᱟᱯᱚᱱ ᱨᱮᱭᱟᱜ ᱠᱟᱛᱷᱟ ᱥᱟᱱᱟᱢᱟᱜ ᱜᱮ ᱞᱤᱴᱟᱹ ᱜᱳᱰᱮᱛ ᱚᱱᱲᱮᱫᱽ ᱯᱚᱛᱚᱵ ᱨᱮ ᱚᱞ ᱢᱮᱱᱟᱜ ᱟ, 

ᱢᱩᱪᱟᱹᱫ ᱨᱮ ᱱᱚᱣᱟ ᱢᱮᱱ ᱜᱟᱱᱚᱜ ᱟ ᱡᱮ ᱢᱟᱺᱡᱷᱤ ᱨᱟᱢᱫᱟᱥ ᱴᱩᱰᱩ ᱨᱟᱹᱥᱠᱟᱹ ᱟᱜ ᱠᱷᱮᱨᱣᱭᱟᱞ ᱵᱚᱝᱥᱚ ᱫᱷᱚᱨᱚᱢ ᱯᱩᱛᱷᱤ ᱪᱮᱫ ᱞᱮᱠᱟ ᱠᱷᱚᱫᱮᱨ ᱠᱷᱚᱫ ᱢᱟᱹᱱᱢᱤ ᱥᱤᱨᱡᱚᱱ ᱫᱷᱟᱹᱨᱛᱤ ᱥᱤᱨᱡᱚᱱ ᱠᱷᱚᱱ ᱮᱛᱦᱚᱵ ᱠᱟᱛᱮ ᱵᱸᱜᱟ ᱵᱩᱨᱩ ᱥᱮᱨᱣᱭᱟ  ᱨᱮᱭᱟᱜ ᱥᱟᱱᱟᱢ ᱞᱮᱠᱟᱱ ᱟᱜ ᱠᱟᱛᱷᱟ ᱠᱚ ᱢᱮᱱᱟᱜ ᱟ, 
ᱯᱟᱱᱰᱤᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ , ᱦᱤᱛᱟᱹᱞ ᱯᱚᱛᱚᱵ ᱨᱮ ᱡᱟᱦᱟ ᱞᱮᱠᱟ ᱚᱞ ᱢᱮᱱᱟᱜ ᱟ , ᱥᱟᱹᱫᱷᱩᱨᱟᱢ ᱪᱟᱸᱫ ᱢᱩᱨᱢᱩ ᱟᱜ ᱞᱤᱴᱟᱹ ᱜᱳᱰᱮᱛ ᱨᱮᱦᱚᱸ ᱚᱱᱠᱟᱜᱮ ᱢᱮᱱᱟᱜ ᱟᱠᱟᱫᱟ , ᱚᱱᱟ ᱛᱮ ᱞᱟᱹᱭ ᱜᱟᱱᱚᱜ ᱟ ᱡᱮ ᱱᱚᱣᱟ ᱚᱱᱚᱬᱦᱮ ᱯᱩᱛᱷᱤ ᱫᱚ ᱟᱹᱰᱤ ᱫᱟᱢᱟᱱ ᱯᱩᱛᱷᱤ ᱜᱮ ᱠᱟᱱᱟ ,