মৗনমি সাঁওতারে জিয়ন খান্ডাও লৗগিৎ জুয়ৗন মিৎ কড়া গিদরৗ আর মিৎ কুড়ি গিদরৗ অৗকিনাঃ সাঁওতা অৗরি তালাতে আতো মঁড়ে হড় আতেঃ পোনয়াতি মিৎ কাকিনগে বাপ্লা বো মেতাঃ আ ।
 |
ᱥᱟᱹᱜᱩᱱ ᱵᱟᱯᱞᱟ
|
সানতাড় সাঁওতারে বাপলা দ এ্যয়ায় ( ৭ ) গটেন মেনাঃ আ অনাঁকোদ হোয়ঃ কানা। যেলেকা- (১) সার সৗগুন স্যে কিরিঞ বৗহু বাপ্লা।( দুয়ৗর সিঁন্দুর বাপ্লা ) (২) টুঙকি দিপিল বাপ্লা। (৩) অর আদের বাপ্লা। (৪) ঞির বলঃ বাপ্লা। (৫) ইতুৎ সিঁদুর বাপ্পা। (৬) সাঙ্গা পাল্লা। (৭) কিরিঞ জাঁওয়ায় বাপলা স্যে ঘৗরদি জাঁওয়ায়,
সার সৗগুন স্যে কিরিঞ বাপ্লা গে হোয়ঃ কানা সান্তাড় সাঁওতা রেয়াঃ যথাৎ বাপলা। চেদা স্যে নওয়া বাপ্লা সাঁওতারে চল মেনাঃ আ সানাম লেকানাঃ নেয়াম নেমাচার অৗরিচৗলি - যেলেকা রায়বার সার সৗগুন ছামডা মান্ডোওয়া। জাঁওয়ায় হরঃ টামাক তুমদাঃ এ্যমান কো আতেঃ অৗডি রৗস্কৗ সালাঃ নওয়াঃ বাপলাঃ হোয়েঃ আ। তবে লাতাররে নওয়াঃ অল সদর লৗগতি কানা যে নোওয়া বাপ্পারে রায়বারিচ গেয় বানার পৗহটা রেনাঃ কাথায় এপেমচাপান কাতেঃ বাপলা কৗমি হরায় সুসৗর অচয়া অনাতে নওয়া বাপ্লা ( দরায়বার বাপলা হঁক মেতাঃ আ )। সার সৗগুন স্যে কিরিঞ বৗহু বাপালারে বানার পাহাটা কুশি কুপুসি কাতে জাঁওয়ায় হরঃ আর বাপলা দিন ক নেঁডায়া ।
আদ বাপলা বারপে দিন তায়ম বানার পাহটা ছামডা মান্ডাওয়া ক বেনাওয়া। মান্ডাওয়া রেনাও জহঃ মান্ডোওয়া লাতারে গাডা কাতে পে কেচাক বেরেল সাসাং, আদওয়াচাওলে দুবি ঘাস তামা পুইসা এ্যমান কো উল সাকামরে রেৎকাতে সুতৗমতে তলকাতে অনা গাডারেক দহকাতেঃ ক তপাকাঃ আ। আর অনা মাতকম ডৗররে বড় বেধাও কাতে অনা চেতান হাসাকো লাগাওয়াঃ আ অনকাতে মান্ডোওয়া বেনাও মটতঃআ। নেঁডা দিন হিলোঃ সিঙ্গৗড় বেড়া বৗহু কুড়ি আর জাঁওয়ায় কড়া কিন দ আপান অৗপিন অড়াঃ রে সাসাং ক অজঃ অৗকিনা । অনা তায়নম আতো রেন জগ মৗঝি ডৗঙ্গওয়ৗ তিরলৗ হপন কোয়া তে দাঃ বাপলায় সেনঃ আ। সাঁওতে তাঁহেনা মিৎ জোড় সৗগুন ঠিলি টুকৗরে হুড়ু, দুবিঘাস আদওয়াচাওলে, সুনুম সিঁন্দুর আর জাঁওয়ায় স্যে বৗহুয়াঃ সাংসাংতে গাবাও লুগড়ি হঁ কো ইদিয়া আর বৗহু স্যে জাঁওয়ায় রেন এ্যঙ্গাত কো দ আঃসার, কৗপি টাঙ্গি এ্যমান আতেঃ দাঃ বাপলায়া কো নতে বৗয়িরৗত চালাঃ মাড়াং জাঁওয়ায় আপাত বঙ্গাবুর আর বঙ্গা তানাও আকান হড় কোওয়াঃ ঞতুমতে হৗন্ডিয় চড়র আকোওয়া বৗহু অড়াঃ জাঁওয়ায় সেঁটের লেনখান পায়রা এ্যয়াকো। পায়রা তায়মতে জাঁওয়ায় কড়ারেন অচ তিয়াং জাঁওয়ায় এ্য ঘড়াও আয়া তায়মতে বানাহড় উল টৗউরৗ রেনাঃ দাঃ কনি ইরচি জংআ। আর বৗহু বকততেঃ জাঁওয়ায় কড়া নাওয়া লুগড়িচতে দৗহড়ি আয়া আর বানা হড়কিন জঁহারে জংআ। বাপলা আঁখড়া রেদ বৗহু কুড়ি মিৎটাং দাঁড়ওয়ৗ তেক লাদে অৗগুয়ে আ আদ অনা আখড়ারে পেধাও অচুর কাতে জাঁওয়ায় কড়া সিঁন্দরৗ দান লৗগিৎতে সারজম সাকামরে রেৎ তাঁহেন সিঁদুর সিঞ বঙ্গা সৗঁক্ষী দহয় কাতে সিঁন্দুরায়া হরাসিরে, সাঁও সাঁওতে আঁখড়ারে সেঁটের আকান সানাম হড় হরিবোল মেন্তক বাখেড়া। এ্যন হিলোঃ দ বৗহু কুড়ি অড়াঃরে জমকু আর এ্যনেচ সেরেঞ কাতেঃ দশার দিন দ বিদৗয় কো হাতাওয়া।
বিদৗয় মাড়াং জগমৗঝি জাঁওয়ায় কড়া বুঝৗও আয়া যে মা বাবা তেঁহেঞ দ কাশ্মার টটক লে তলাৎ মেয়া, সেঁন্দরারে কার কারেম চালাক আঃ জাঙ, জাঙ দ জমমে আর জেল জেল দ অৗগুইমে বুগৗ করে হাসো করে সুকরে দুকরে জুরি জতা বড়ে তাঁহে ক বিন। তেঁহেঞ দ জাঙ হঁ জাঙ তরচ এম কিরিঞ কেদা।
Every comment is reviewed
comment url