Baha Porob | ᱵᱟᱦᱟ ᱯᱚᱨᱚᱵ | বাহা পরব

বাহা সারদি রেদ নায়কে এঁরা নিয়ম নেমাচার কাতেৎ বঙ্গাবুরু কওয়াঃ লৗকতি সাপাপ ক তেয়ার কাতেৎ সাঁওতে কুড়ি গিদরৗ কড়া গিদরৗ রৗস্কৗ সালাঃ জাঁহের তেক চালা আ। বাহা পরব রেদ খেরওয়াল কদ আকরেন দেওভৗগিন হপন এঁরা মিসরা ক নেঁওতা অৗগু কওয়া সানাম ক মিৎতে রৗস্কৗ সালাঃ বাহা লেঁসাড় হেৎতে সুপুলুপতে জমঞ লৗগিৎতে বাহা পরব রেদ জাঁহের গাড়রে সারজম, মাতকম বাহা মারাং বুরু জাঁহের এঁরা ক্রুতুম তে গোচার হুয়ু আ সাঁওতে কৗটিজ কৗটিজ সিম বুসৗঃ হপন বঙ্গা কোওয়া ।এনখান সানাম আতুমড়ে দুড়ুপ কাতেৎ নওয়া বাহা পরব রেয়াঃ বঙ্গাবুরু আ দেবা সেবা কঃ ঞেল সাঙ্গেয়া অনাতায়ম বঙ্গা আ সারেচ ভোগ মিশরা দেওভৗগিন মিৎ তেক জম হৗটিঞা। বাহা পরব দ ফেডাও খন প্রকৃতিরে নৃতে পরব কান খৗতির প্রকৃতি চেতান রেগে ধৗরতি আ সাজ বাজ চেতানরে মনে আছড় জং রৗস্কৗ। অনাতে আতুরেন সানাম রৗস্কৗ জং দ বাহা পরব রেদ জাঁহের তেক চালাঃ আ, এনেচ সেরেঞ তালাতে বঙ্গাবুরু ক সাঁও মনে ক বধাও তাবনা আর নায়কে দ সিগৗড় বেড়াঃ আয়া অড়াতে এনেচ এনেচ তেবন সেঁটের হট কায়া। নায়কেদ মারাংবুরু আ নিয়ম নেমাচার রেয় তাহে খৗতির আতুরেন সানাম মারঞ্চরেন মিমিৎ আয়ো হড় জাঙ্গাক আরু গেয়াঃ আর ক জোহার আয়া। নায়কে দ অৗশিষ কাতেৎ সারজম বাহায় চাল আকওয়া।